LEGAZPI CITY — Padagos na ipigbubusol kan sarong Bikolanong Kongresista an propuesto na mangangataman sa mga lolo asin lola sa nasyon.
Segun ki Ako Bicol Partylist Representative Rodel Batocabe, dakula an maitatabang kan Anti-elderly abuse bill ngani na matawan nin proteksyon an mga senor citizen na pinabayaan na kan saindang mga aki.
Dugang pa kan lehislador na dae mawot man kan nasambitan na propuesto na mapugulan an mga insidente kun sain pigkukulugan an mga ini kan saindang man sanang kaparientes.
Pag-eksplikar ni Batocabe, enkaso na igwang siring na mga pangyayari, kukuwaon na kan Department of Social Welfare and Development (DSWD) an mga ini asin posible pang makasuhan an mga nangungulog sa mga may edad na.
Segun sa opisyal, kun igwang Anti Violence against Women and Their Children Act of 2004, tama sana na magkaigwa man nin proteksyon an mga senior cirizens kasabay kan pagduon kan importansya kan pagrespeto sa mga ini huli ta lambang saro suboot an igwang diretsos asin nangangaipo nin pagsabot.
