LEGAZPI CITY- Magkakaigwa na nin ley na matutok sa mga drayber na nagagamit nin cellphone tuyong nagmamaneho asin iba pang klase nin kaulangan na pig-aapod na “Anti- Distracted Driving.”
Inilunsar ini kan Land Transportation Office (LTO) ngani na maibitaran an mga aksidente na kawsa kan mga aktibidad na nakakaulang mientras na nagmamaneho nin behikulo siring man, ngani na masangatan nin magkakanigong penalidad an mga madadakop na nagbabalgar sa nasambitan na ley.
Sigon ki Mar Majistrado, LTO Bicol chief, pighahalat na sana ninda an implementing rules and regulations antes na dagos na ipautob an bagong patakaran.
Piglalaoman na mangyayari ini antes na matapos an 2nd quarter kan presenteng taon.
Alagad sinabi ni Majistrado na igwa pa nin ibang bagay na nagkakawsa nin aksidente arog kan kondisyon kan tinampo asin kan panahon, asin an mechanical defect kan pigmamanehong behikulo.
Katakod kaini, padagos suboot an saindang pagpapasabot sa publiko dapit sa mga dapat na girumdumon tuyong nagba-byahe sa tinampo.
