LEGAZPI CITY- Kulong an anom na babayi makalihis na madakop kan pulisya na aktwal na nagkakawat nin baraha sa Sitio Pokpokon Purok 3 Barangay Bagacay, syudad kan Legazpi.
Binisto kan Legazpi City Police an mga ini na sinda Merly Daria, 46-anyos; Jhona Andes, 47; Mare Grace Mendez, 42; Amilia Brimon, 51; Luisa Andes, 57 asin Norlyn Quila, 34-anyos na gabos mga residente kan nasambitan na barangay.
Nakaresibe suboot nin impormasyon an Legazpi PNP dapit sa nangyayaring iligal na sugal digdi kun kaya tulos na nagkundusir nin anti-illegal gambling operation an mga tauhan kaini kun sain naarestar an anom na sugarol.
Nakumpiskar sa posisyon kan mga ini an sarong lamesa, sarong set nin baraha asin taya na nagkakantidad nin P388.
Ipi-presentar an mga nakumpiskar na gamit bilang ebidensya kontra sa mga nadakop na suspek.
