LEGAZPI CITY-Papayagan nang magtenir sa Pantawid Pamilyang Pilipino Program (4Ps) an mga benepisyaryo kaini na lagpas sa 7 taon enkaso maamyendahan na an 4Ps law.
Sa post-SONA na diskusiyon, sinabi ni Department of Social Welfare and Development (DSWD) Sec. Rex Gatchalian na an pangapudan ni President Ferdinand Marcos Jr. sa saiyang ika-apat na SONA na magtetenir an mga benepisyaryo nin haloy hasta kinakaipuhan.
Alagad piglinaw kan kalihim na an pagtetenir bilang benepisyaryo sa programa, nakadepende sa estado asin kalidad kan saindang bhay asin kung kaya na ninda magtindog sa sadiri matapos maka-graduate sa programa.
Sinabi man niya na nasa kabilugang 1.4 milyong Pilipino na an naka-graduate hale sa 4Ps program kan magpoon ini kan taon 2022.
