Tutugutan nang makapagbukas puon sa Abril 1 an mga theme parks asin sports stadiums sa California makalihis an ipigluwas na bagong protocols kan estado.
Dinangog kan estado an sentimyento na magbalik na an nagkapirang aktibidades partikular na an mga outdoors huli sa pagbaba sa mga COVID-19 cases kasabay kan vaccine rollout.
Abiso man sa mga establisyemento an pag-otob sa additional safety modifications mantang mga residente sana muna kan estado an maa-acomodar.
Nasa 15% limited capacity sana an tutugutan sa liwat na pagbubukas kan amusement parks mantang nasa 100 o mas hibaba pa sa outdoor sports na may fans pati sa live performances.
Pigmamandato man na magkaigwa muna nin advanced registrations antes an paglulunsar kan mga aktibidad.
Inasegurar man ni California Office of Business and Economic Development Director Dee Dee Myers na padagos an koordinasyon sa gabos na sektor kan ekonomiya ngani salbado, pantay-pantay asin masustenir an pagprotehir sa salud asin seguridad kan mga customers asin trabahante.
