Nagpahayag nin kahandaan an Estados Unidos na magtao nin tabang sa mga Pilipino naapektaran kan bagyong Carina.
Ini an kasunod kan pakikipag-olay sa telepono ni Department of Foreign Affairs Secretary Enrique Manalo ki US State Department Secretary Antony Blinken.
Nagpaabot man si Secretary Blinken nin pakikidumamay sa mga pamilya na nawaran nin padangat sa buhay asin na-displace makalihis an pangrarapado kan nakalihis na kalamidad.
Marurumduman na enot na man na nagpahayag nin pagpapaabot nin tabang sa Pilipinas an mga nacion kan China, Japan, Israel, Canada, Romania, Germany, UK asin Australia.
An nasabing mga nacion an nagpahayag man nin pakikisumaro sa mga Pilipino na naapektaran kan nasabing raot nin panahon.
