Nag-abanse si Alex Eala sa ika-61 puwesto sa pinakabagong WTA rankings makalihis an saiyang makasaysayang pagkagana sa Guadalajara 125 Open sa Mexico, kun saen siya an nagin kaenot-enoting Pilipina na nanggana kan WTA singles title.
Huli sa nasabing trayumpo, naglangkaw nin 14 na ranggo si Eala gikan sa dating ika-75.
Dinaog niya si Panna Udvardy kan Hungary sa final, 1-6, 7-5, 6-3, sa sarong come-from-behind win na nagpahiling kan saiyang tibay asin puso.
An 20-anyos na tennis star an dating nag-abot sa career-high ranking na World No. 56, asin presenteng ikatulong seed kan maabot na Sao Paulo Open, sarong WTA 250 tournament sa Brazil ngunyan na semana.
Bago ini, nakua man ni Eala an saiyang enot na gana sa Grand Slam main draw sa US Open, bago na-eliminate sa second round.
