Nag-abanse na an pambato kan Pilipinas na si Alex Eala sa semifinals kan Guadalajara 125 Open sa Mexico.
Dinaog kan 20-anyos na tennis sensation si Nicole Fossa Huergo kan Italy, sa score na 7-6 asin 6-2, sa quarterfinals.
An laban an ginibo pirang oras sana makalihis manggana si Eala laban sa American player na si Varvara Lepchenko sa Round of 16.
An laban an nasuspinde kan haros sarong aldaw huli sa uran.
Sa semifinals sa Sabado, makakahampang ni Eala si Kayla Day kan America.
Bago an saiyang laban sa Mexico, nagbale an Filipina tennis star sa main draw kan US Open kun saen uminabot siya sa second round.
