Buminaba si Filipina tennis star Alex Eala sa No. 49 na pwesto sa Women’s Tennis Association (WTA) live rankings, makalihis mag-expire an 390 puntos na nakuwa niya sa semifinals kan Miami Open kan nakalihis na taon.
Hali sa dating 1,525 puntos, buminaba na sana ini sa 1,145 na nagin rason kan pagbaba hali sa career-best na ika-29 na ranggo na nairehistro antes an pagpaso kan nasabing puntos.
Ngunyan na taon, nakakuwa si Eala nin first-round bye asin awtomatikong nakalaog sa round of 64, kun sain nadugangan siya nin sampulong puntos.
Dae kaini napunuan an dakulang pagkawara hali sa nakalihis na torneyo.
Sa sistema kan WTA, an mga puntos an otomatikong nababawas makalihis an 52 na semana asin riribayan nin pinakabagong resulta kan sarong player, kaya kritikal para ki Eala na makabawi sa presenteng Miami Open ngani na liwat na makakuwa nin halangkaw na puntos.
Pinaglalaoman na magigin importante an saiyang performance sa Miami Open ngunyan na taon ngani na maibalik an saiyang puwesto sa Top 30 kan WTA rankings.
