LEGAZPI CITY- Nagsunad nin House Resolution 117 si Albay Third District Representative Fernando ‘Didi’ Cabredo na obhetong mangapudan sa Commission on Elections na i-require an gabos na mga kandidato sa May 2025 election na magsairarom sa drug test.
Paliwanag kan opisyal na obheto kaini na diretsos kan mga namamanwaan na maaraman kun an sarong kandidato an imbwelto sa paggamit nin ipinagbabawal na bulong.
Segun sa kongresista sa intrevista kan Bombo Radyo Legazpi na ginibo na kan komisyon an kaparehong lakdang kan 2007 alagad mawot niya na liwat ining ipaotob.
Ipigduon kan lehislador na dae makakapag desisyon nin tama an sarong kandidato o opisyal kun may impluwensya ini kan iligal na droga.
Sa paagi kaini, mapapakusog suboot an integridad kan pirilian sa nacion.
Alagad sinabi ni Cabredo na kinakaipuhan na gibuhon ini sa mga accredited drug testing kan Commission on Elections asin igwang representante kan komisyon.
Katakod kan nasabing propuesto, pinaglalaoman na ipapaapod kan kongreso an Commission on Elections ngani na madangog an saindang lado.
