LEGAZPI CITY- Pig-oorgulyo kan Provincial Government of Albay an pagtatapos kan sarong Bicolano bilang Salutatorian sa Philippine Military Academy na laog kan bareta sa probinsya.
Sa eksklusibong intrevista kan Bombo Radyo Legazpi ki Danny Garcia, tagapagtaram ni Albay Governor Al Francis Bichara, nagpahayag ini nin kaugmahan sa magayon na bareta asin tulos na nagpaabot nin congratulation sa pamilya ni Philip Modestano Viscaya na hali sa syudad kan Ligao.
Naglalaom man ini na magigin inspirasyon an trayumpo ni Viscaya sa mga joven na Bicolano na nagmamawot na maabot an mga pangaturugan sa buhay.
Kasubago, pormal nang pigpresenta sa publiko an Top 10 kan PMA class of 2017 na pinangenotan ni Rovi Mairel Martinez kan Cabanatuan City hali sa Class Sangalang Ay Lakay asin Buhay para sa kalayaan kaninang Bayan.
Walong joven an nakabale sa nasambitan na listahan kaibanan na si Martinez na pang-apat sa linya kan mga babayi na nangenot sa nasambitan na institusyon.
