LEGAZPI CITY-Pig-enganyar kan Albay Police Provincial Office an publiko na makisumaro sa pagdonar nin dugo bilang pagtabang para sa mga nangangaipohan.
Segun ki Albay Police Provincial Office Public Information Officer Police Major Ma. Luisa Tino intrevista kan Bombo Radyo Legazpi na pangtulong taon na siya nagdodonar nin dugo huli sa aram suboot niya an kadifisilan sa paghahanap nin donor.
Dagdag pa niya na nakakataba nin puso na sa simpleng donasyon an nakakatabang ini sa pagdugang sa sarong buhay.
Nagin panata na man niya ini makalihis an saiyang eksperyensya sa paghahanap nin madonar na dugo.
Dugang pa ni Tino na saro man ini sa mandato kan saindang ahensya na makatabang sa mga namamanwaan.
Nagpapasalamat man an opisyal sa Bombo Radyo Philippines huli sa dakulang tabang an may naka-standby na dugo para sa kadakol na mga nangangaipohan.
Sinabi pa kan opisyal na ‘advisable’ an pagdonar nin dugo asin an mga siring na programa an nakakatabang para sa komunidad na nangangaipohan madugangan an saindang mga buhay.
