LEGAZPI CITY — Nagdistribuir an Albay Power and Energy Corporation (APEC) nin school bags asin school materials para sa mga eskwelahan katakod kan Balik Eskwela ngonian na Hunyo 3.
Sa intrevista kan Bombo Radyo Legazpi ki APEC spokesperson Pat Gutierrez, parte an nasabing lakdang kan partisipasyon sa mga programa kan Department of Education (DepEd).
Segun ki Gutierrez, nakapagbariwas na nin 400 school bags sa Brgy. Cabasan, Bacacay para sa mga estudyante sa Grade 1 hasta Grade 6 asin ngonian na aldaw, matao man nin siring na items sa apat na eskwelahan sa Pio Duran.
Afuera sa Balik Eskwela, nagtabang man an korporasyon sa Brigada Eskwela kan DepEd makalihis na pakarahayon asin pinturahan an tulong school buildings sa Jaro, Malinao; Albay Central School asin sa banwaan kan Guinobatan.
Sinabi pa kan opisyal na afuera digdi, nagtao pa nin donasyon asin painting materials sa walong eskwelahan kada distrito kan provincia.
