LEGAZPI CITY- Nagbarewas an provincia kan Albay nin pasteurized milk para sa mga estudyante sa banwaan kan Camalig.
Segun ki Albay Dairy Plant Food Safety Compliance Officer Aaron Paul Balonzo sa intrevista kan Bombo Radyo Legazpi na nasa 1,000 na mga benepisyaryo na an napaabutan kan nasabing gatas.
Nasa 33 na mga eskwelahan man an target kan ahensya ngani na matawan kan nasabing pasteurized milk.
Segun sa opisyal na nasa 200, 652 na mga estudyante an kabilugan na target na mapaabutan kan nasabing gatas.
Napag-araman na kada deliver, igwang mga health officials an nagi-inspeksyon kan gatas ngani na masierto na salbado na ikonsumo antes na itao sa mga kaakian.
An numero kan mga target na estudyante an personal na pilini kan Department of Education.
