LEGAZPI CITY—Nakatalaang iselebrar kan Albay Muslim community an Eid al-Fitr o katapusan kan Ramadan ngonian na aldaw na Sabado, Marso 21.
Segun sa sarong Muslim na si Razul Domadalug sa intrevista kan Bombo Radyo Legazpi, kabale sa saindang preparasyon an paghahanda nin mga pagkaon sa saindang mosque makalihis an Eid al-Fitr.
Sa ibong man kan paghalangkaw kan presyo kan produktong petrolyo na dae na man ninda suboot kapot an prayoridad man liwat ninda an pagselebrar kan Eid al-Fitr.
Nagmamawot man siya na matapos na an giyera sa Middle East nganing dae na maapektaran pa an presyo kan gasolina asin ekonomiya kan nacion.
Mientrastanto nagpapasalamat man an saindang komunidad sa mga nasa palibot ninda huli sa maski papano nagin maray an saindang trato sa pag-obserbar ninda kan Ramadan.
