LEGAZPI CITY- Nakasungkit na nin duwang gold medal an Albay sa nagpapadagos na Palarong Bicol 2017.
Saro digdi an sa shutfoot kun sain an pambato iyo si John Roel Sariola na Grade 11 gikan sa banwaan kan Pio Duran.
Sa intribista ki John Roel, ipigheras kaini na dati na syang nagkakawat kan nasambitan na sport puon kan elementarya.
Nakaabot na man suboot sya sa Palarong Pambansa asin ngunyan na highschool na sya, enot na beses nyang makabale sa Palarong Bicol.
Katakod kan saiyang nakasungkit nin bulawan, nakaresibe si John Roel nin P6,000 bilang incentive.
Makakaresibe man suboot nin P3,000 an silver medalist asin P1,000 para sa bronze medalist.
12.23 meters an huring record kan atleta sa shutfoot, asin sa aga, huri nyang makakalaban an pambato kan Camarines Norte na iyo an record holder kan 35 meters.
Kumpyansa an nasambitan na atleta na makakaya nyang lampasan an record kaini.
