Nag-emergency landing sa maisan na sakop kan Barangay District 1, Reina Mercedes, Isabela an sarong “Airvan” na hale sa Cauayan City Airport asin pasiring kuta sa Banwaan kan Maconacon sa dae pa makumpirmang rason.
Sa exclusive interview kan Bombo Radyo Cauayan kay Jonathan Cauilan an kagsadiri kan maisan kun saen nag emergency landing an eroplano, sinabi niya na katatapos sana nindang nagpa-reaper kan mahiling ninda an eroplano sa himpapawid na garing nagkakaigwa nin problema kan bigla suboot ining mag-ikot pabalik asin nag landing sa maisan niya.
Sa takot na baka pumutok an eroplano, nagdalagan sinda.
Kan maka-landing an tulos nindang sinaklolohan an mga sakay kaini asin maswerte na sana suboot na warang nakulugan sa anom na pasaherong sakay kan eroplano magin an sarong piloto kaini.
Saro sa mga nareparo ninda sa naglanding na eroplano iyo an kakaibang parong hale sa wiring kaini, alagad dae pa ini kumpirmado huli ta padagos pa an imbestigasyon kan mga awtoridad sa insidente.
Sa presente, nagbabantay an PNP Reina Mercedes sa eroplano mantang naka-uli na an mga pasahero kan eroplano.
