LEGAZPI CITY – Nag-abot na sa 486 aftershocks an nairehistro makalihis an linog na nagtanyog sa provincia kan Masbate asin iba pang pagtaraid na lugar.
Ipigheras ni Philippine Institute of Volcanology and Seismology (PHIVOLCS) resident volcanologist Paul Alanis sa Bombo Radyo Legazpi na susog sa datos kan ahensya bandang alas-8:00 kasubagong aga, Agosto 29.
Puon sa Magnitude 1.5 hasta Magnitude 5.1 an mga nasabing aftershocks.
Susog pa ki Alanis na sa pag-agi kan mga aldaw, padiit nin padiit an nairerehistrong saradit na pagyugo.
Piglaoman naman ini huli ta makusog na linog an nagtanyog sa nasabing island province.
Dugang pa ni Alanis na nagtetenir na unstable sa ngunyan an mga earthquake fault kan Philippine Fault Zone.
