Sinierto kan Armed Forces of the Philippines na magpapadagos sinda sa pag-otob kan saindang misyon sa West Philippine Sea sa sa ibong kan pagggigipit kan China sa exclusive economic zone kan nacion.
Segun ki AFP deputy chief of staff Lt. Gen. Sean Gaerlan na kinakaipuhan ninda an suporta kan mga namamanwaang Pilipino.
Marurumduman na binangga asin binomba nin water cannon kan China Coast Guard an BRP Datu Sanday kan Bureau of Fisheries and Aquatic Resources harani sa Escoda Shoal.
Sa sarong pahayag, sinabi kan China na an BRP Datu Sanday an “iligal na lumusob” sa teritoryo kan Beijing asin padagos na nagrani sa saindang mga behikulong pandagat sa peligrosong paagi.
Wara ining pinagkaiba sa mga enot ng naratibo kan China.
Magkokundusir kuta nin an BRP Datu Sanday nin humanitarian mission hali sa Hasa-Hasa Shoal ngani na maghatod nin diesel, pagkaon, asin mga suplay na medikal sa mga parasisirang Pilipino sa Escoda Shoal.
An Hasa-Hasa Shoal an nasa 60 nautical miles hali sa Palawan.
