Aprubado na kan Asian Development Bank an nasa $1.5 billion (P76 billion) loan bilang tabang sa Pilipinas sa paglaban sa coronavirus pandemic.
Sigon sa ADB, ini an saindang pinakadakulang “budget support loan” sa Pilipinas tangarig na marikas asin epektibong malabanan an dakulang epekto kan COVID-19 sa mga Pilipino, partikular na sa mga pobre asin nasa vulnerable sector kaibanan an mga kababaihan.
Sa irarom kan COVID-19 Active Response and Expenditure Support (CARES) Program, masentro ini sa pagtabang sa mga residente na makabangon sa health, economic asin social costs na kakabit kan helang.
“This assistance is our largest budget support loan to the Philippines ever and reflects our strong commitment to providing cornerstone assistance swiftly and effectively to help the country mitigate the pandemic’s devastating impact on Filipinos, particularly the poor and vulnerable, including women,” sigon ki ADB President Masatsugu Asakawa.
“Amid a global pandemic, the most vulnerable are developing countries, especially those with densely populated cities such as the Philippines. We commend the government for its leadership and clear actions in containing the spread of COVID-19, including scaling up its health response, enforcing an enhanced community quarantine in Luzon to save lives, and rolling out subsidy programs to affected segments of the population.”
Kasubagong aga sana kan inanunsyo ni Presidente Rodrigo Duterte an pagpalawig kan lockdown hasta sa Mayo 15 sa Metro Manila asin iba pang lugar na may halangkaw na kaso kan COVID-19.
Digdi ipighayag kan Presidente na bastante pa an fundo alagad mangungutang o mapabakal nin government assets kun kaipuhanon.
