LEGAZPI CITY- Nagpahayag nin pagkahandal an Albay Chamber of Commerce and Industry (ACCI) sa problema sa suplay nin kuryente sa provincia na nakakaapektar na sa mga lokal na negosyo.
Sa intrevista kan Bombo Radyo Legazpi kay ACCI President Rosemarie Quinto Rey, komon ng problema sa Albay an pirmehan na brownout na naghahaloy nin nagkapirang oras asin an bagulbol na pagbabalik kaini tuyong nagkakaproblema.
Nganing maaraman kung ano talaga an problema asin makapagtao naman nin suhestiyon nakatalaan na makipagdayalogo an ACCI kaiba si Mayor Noel Rosal asin mga konsumidores sa power supplier na Albay Power and Energy Corporation (APEC) sa Martes, Mayo 25.
Isasagibo suboot an dayalogo online sa paagi nin zoom na aatindiran mismo ni APEC Chief Operating Officer Apolinario S. Alvarez kung kaya pig-eengganyar an gabos na may kahaputan asin kinaaraman sa isyu na makisabay sa aktibidad.
Kaiba man sa mga pigsusuhestiyon kan ACCI na solusyon sa mahal na kuryente an pagkakaag na nin sadiring grid sa Bicol nganing dae na kaipohan pa na magkua nin suplay hali sa Manila.
