Former House Speaker Martin Romualdez

Padagos an pagtao nin tabang sa tanggapan kan distrito ni dating House Speaker asin Leyte 1st District Representative Ferdinand Martin Romualdez maski nasa irarom siya nin 90-day suspension.

Segun ki House Committee on Higher and Technical Education Chairman Jude Acidre kan Tingog Party-list, padagos na pig-aako kan opisina an mga naghahagad nin tabang para sa gastuson sa ospital, edukasyon asin iba pang pangenot na pangangaipo.

Pigdoon ni Acidre na dai dapat maputol an serbisyo sa mga namamanwaan, orog na sa mga pamilyang nangangaipo nin tabang pinansyal.

Dugang pa niya, padagos na pig-aako kan mga kawani kan opisina an mga kahagadan asin nakikipag-koordinar sa mga kinauukulan na ahensya kan gobyerno tanganing matabangan an mga residente.

Sakop kan Leyte 1st District an Tacloban City asin an mga banwaan nin Palo, Tanauan, Tolosa, Santa Fe, Alangalang, Babatngon asin San Miguel, kun sain pwedesir pa man na magduman an mga nangangaipo nin tabang para sa pagpapabulong, pag-adal asin iba pang importanteng pangangaipo.