LEGAZPI CITY-Nangapudan nin tabang an sarong Lola sa Purok 1, Barangay Gogon, sa Legazpi City, makalihis matupok an saiyang harong kan kasulo kan Nobyembre 21, 2026.
Sa intrevista kan Bombo Radyo Legazpi kay Lydia Sadia, an biktima kan kasulo, inihayag kaini na nangyari an insidente huli sa kandila.
Pag-istorya niya na antes siyang maghale, nalingawan niyang palsukon an kandila mantang pahale na pasiring sa simbahan.
Pag-abot niya hale sa simbahan, tumambad an natupok niyang harong.
Naubos an gamit ninda sa laog, asin warang natada sagkod sa mga bado, kaldero, asin iba pang mga kagamitan.
Sinabi pa kan biktima, na wara sindang kuryente asin solamenteng solar sana an saindang piggagamit, siring man, nakasanayan niya ng magsindi nin kandila tuyong aga asin banggi.
Kan mangyari an insidente, wara man suboot siyang cellphone kaya dae niya aram an nangyari antes na siya makabalik hale sa saiyang pigduman.
Saro man suboot sa saiyang aki an turog sa saindang harong, na tulos nagimata huli sa kasulo asin naghagad na nin agap.
Sa presente, nangangapudan an biktima nin tabang sa mga mawot magpaabot nin tabang sa saindang pamilya.











