LEGAZPI CITY-Nagtetenir na nakakulong sa Camp Bagong Diwa sa Taguig an labi sa 200 raliyistang inarestar sa ikinasang hiro protesta sa Sucat, Muntinlupa City kan Nobyembre 15, mantang nagpapadagos an mga pangapudan ngani sinda tulos na mapalaya.

Segun ki Jesus Monasterial, Deputy Secretary General kan Katipunan ng Samahang Magbubukid sa Timog Katagalugan, nag-abot sa 216 an numero kan mga raliyistang nakakulong sa Camp Bagong Diwa, mantang nasa 20 menor de edad an dinara sa Bahay Pag-asa.

Kabale sa mga inaresto an mga paraooma, mga obrero, mga jovenes asin estudyante asin iba pang sektor na nakisumaro pagtitipon.

Sinabi ni Monasterial na suboot pigbayolar kaini an direchos kan mga nakadetine, kun sain kaiba sa danyso an injuries, kawaran nin maayos na bentilasyon asin paghigot sa mga pangangaipohan arog kan bulong.

Giit niya, naglagpas man suboot sa 18 oras an pagkakadetine sa sainda nin warang pormal na kasong ipigsasangat.

Huli digdi, nangapudan sinda sa mga kinauukulan na tulos palayaon an mga inarestong raliyista.