LEGAZPI CITY-Nagpaabot nin pasasalamat si President Ferdinand Marcos Jr. sa publiko asin sa gabos na nagin parte kan 49th ASEAN Summit and Related Summits sa nacion.

Inomaw ni Marcos an mga ahensya de gobierno, mga tawohan sa seguridad, volunteers, media teams, asin iba pang obrero na nagtabang para sa pagtiripon.

Pigbisto man kan punong ehekutibo an papel kan kada sektor sa pagmantenir kan kaayusan, kaligtasan, asin pagtanggap sa mga nagbisitang lider asin delegado hale sa manlaen-laen na nacion.

Afuera digdi, partikular man niyang pinasalamatan an mga Pilipino na naapektaran an pang-urualdaw na gibo asin biyahe huli sa mga inilatag na paghahanda asin aktibidad.

Nanindugan man siya na an trayumpo suboot kan pagho-host kan Pilipinas, bunga kan pagkakasararo kan gobierno asin kan lambang Pilipino.