Pigpepreparar na kan mga abogado asin human rights volunteers an bail para sa mga raliyistang inaresto sa Sucat, Muntinlupa City, sa kasagsagan kan 49th ASEAN Summit.

Segun ki Atty. Ephraim Cortez, pigkokompleto pa an mga salaysay kan mga naarestar bilang pagpreparar sa bail.

Pigpaprayoridad ninda an mga menor de edad na kabali sa mga nadetine.

Pigkwestyon man ni Cortez an pagharang, dispersal, asin pag-aresto kan mga awtoridad sa mga raliyista.

Segun sa saiya, an maximum tolerance dai nangangahulugan na pugulan an matoninong na pagmartsa asin pagpahayag nin agrangay.

Nangyari an pag-aresto kan Nobyembre 15 sa Sucat People’s Park mantang nagkakasa nin protest caravan an mga delegado hali sa Southern Tagalog.

Dinara sa Camp Bagong Diwa an labi sa 200 na naaresto, kabali an 19 menor de edad na pig-asikaso sa tabang kan Department of Social Welfare and Development (DSWD).