Pighigotan kan Philippine National Police (PNP) an mga lakdang pan-seguridad para sa mga natatadang aktibidad kan (ASEAN) Summit sa nasyon.

Kasabay kaini, nilinaw kan PNP na dai ninda pinagbabawalan an mga naarestong raliyista na bisitahon kan saindang mga kamag-anak asin abogado sa Camp Bagong Diwa sa Taguig City.

Segun kay PNP spokesperson Police Brigadier General Allen Rae Co, nagpapatupad sana sinda nin mas mahigot na regulasyon huli ta sarong kampo kan pulisya an pinagdarahan sa mga inarestong indibidwal.

Afuera sa paghigot nin seguridad, pinuna man ni Co an pagdara nin mga aki kan pirang raliyista sa tahaw kan mga hiro-protesta.

Ipigdoon kan opisyal na posibleng ginagamit sana kan mga militante an presensya kan mga menor de edad para makakua nin simpatiya hali sa publiko.

Padagos an mahigot na pagbabantay kan kapulisan sa mga pangenot na lugar nin pagtitipon tangani masiguro an kaayusan asin kasalbadohan.

Matatapos sana an pagbantay sagkod sa pagtatapos kan mga aktibidad kan ASEAN.