peso and dollar

Nakapagrehistro an Pilipinas nin mas halangkaw na kantidad nin cash remittances hali sa mga Overseas Filipino workers (OFW) kan Setyembre 2026 kumpara sa parehong panahon kan nakalihis na taon.

Basado sa report kan Bangko Sentral ng Pilipinas (BSP), uminabot sa $3.20 billion o katumbas nin P20.4 billion an ipinadarang kwarta kan mga OFW kan Setyembre, na mas halangkaw kumparar sa $3.12 billion o P19.9 billion kan Setyembre 2025.

Nangenot an Estados Unidos sa pinaghalian kan mga nasabing padara na uminabot sa 39.8 porsiyento kan kabilugan na kantidad.
Pigsusundan ini kan Singapore na nakapagrehistro nin 7.1%, asin kan Saudi Arabia na nakapag ambag man nin 6.4%.

Segun sa BSP, an padagos na paglaog kan cash remittances an dakulang tabang sa pag-urualdaw na gastusan kan mga pamilyang Pilipino asin sa pagpapatalubo kan domestic economic activity.

Tinawan duon pa kan central bank na patunay ini kan pusog asin importanteng kontribusyon kan mga OFW sa pagtalubo kan ekonomiya kan nacion.