LEGAZPI CITY-Tinamaan sa pandok si Pope Leo XIV kan sarong rosaryo mantang lunad kan saiyang popemobile asin nagbabati sa mga tawong nag-aabang sa saiya sa Lima, Peru.
Nangyari an insidente kan Lunes, Nobyembre 16, mantang pasiring sa Santo Papa sa saiyang farewell Mass sa Las Palmas Air Base bilang parte kan pagtatapos sa saiyang doseng aldaw na pagbisita sa South America.
Basado sa video kan pangyayari, sarong bagay na pinagtutubudang rosaryo an itinapok asin nagtama sa parte kan pandok kan Santo Papa, harani sa saiyang mata.
Mahihiling man na napangiwi si Pope Leo makalihis an pangyayari. Siring man, nagpadagos siya sa pagbati sa mga deboto asin idinagos an nakatakdang misa.
Wara man na nairehistrong malalang danyos sa Santo Papa huli sa insidente.










