Desidido an Southern Police District (SPD) na saindang susunadan nin kaso an labi 200 na indibidwal na inarestar ninda huli sa pagsasagibo nin iligal na hiro protesta.

Segun ki SPD Director Police BGeneral Rodel Pastor na inarestar an mga ini sa Sucat People’s Park sa Muntinlupa City kan aldaw nin Domingo sa pagpupuon kan 49th ASEAN Summit.

Inilunad an mga ini sa tulong trucks kan Philippine National Police.

Kadaklan sa mga naarestar an mga miyembro kan Timog Katagalugan.

Nagkaigwa nin komosyon kan dae nakipagtabangan an mga protesters sa kapulisan nganing magkaigwa nin matoninong na hiro protesta.

Dugang pa ni Pastor na dae nag-iba nin maayos asin nagibo pang makipaghatakan ang mga protesters.

Paglilinaw kaini na saidnang sanang pigpapaotob nin tama an saindang mga trabaho.

Enot nang nakipagkoordinar an mga kapulisan sa grupo alagad nagpumirit pa sinda na nagsagibo nin hiro protesta asin na nagsagibo nin programa sa may tinampo.

Dinara pa sa pagamutan an pirang protesters na nalibong huli sa nangyaring komosyon.

An mga naarestar na indibidwal an paramientras na dinara sa National Capital Region Police headquarters sa Camp Bagong Diwa sa ciudad kan Taguig.

Pigkondena kaya kan grupo an implementasyon ng Pax Silica Initiative asin an Luzon Economic Corridor sa Pilipinas.

Kaiba man sa pigkokontra kan grupo an pagbisita ni US President Donald Trump na maatendir sa 49th ASEAN Summit.