Nagbalik na an serbisyo kan Microsoft makalihis an mahewasang outage na nagpaantala sa operasyon kan nagkapirang pampublikong serbisyo asin negosyo sa manlaen-laen na parte kan kinaban.
Segun sa Microsoft, natapos na ninda an pagpakaray sa pinaghalian kan problema asin naibalik na an serbisyo sa mga natada pang apektadong customer asin rehiyon.
Naapektaran kan outage an mga produkto arog kan Outlook email, MS Teams, asin Copilot AI assistant, huli sa elevated load sa imprastraktura kan kompanya.
Apektado an mga user sa 74 na nasyon, kabali an Pilipinas, kun sain naantala an mga empleyado sa IT, BPO, asin corporate sector.
Nagpatanid man an kompanya kontra sa active phishing campaign na nagsasamantala sa service disruption, kun sain pigaarog kan mga pekeng email an service notification kan Microsoft.
