LEGAZPI CITY-Nakatalaang magbalik sa Pilipinas angdating United Nations Special Rapporteur on extrajudicial killings asin Amnesty International secretary-general Agnès Callamard ngani makipag-olay mga pamilya kan biktima kan madugong kampanya ni dating Pangulong Rodrigo Duterte kontra sa iligal na droga.
Ini an liwat na pagbisita ni Callamard sa nacion poon kan 2017 kasunod kan immigration ban na ipinataw sa saiya kan administrasyong Duterte.
Mapirmi ngonian na semana poon Nobyembre 19 hasta Nobyembre 22 si Callamard basado sa anunsyo kaini makalihis halion an ban laban sa saiya kan Setyembre.
“I’m delighted to be able to return to the Philippines, a country close to my heart where I have many friends. I am moved to meet once again with victims and survivors of Duterte’s so-called ‘war on drugs’ and pay tribute in person to their incredible courage and resilience,” pahayag ni Callamard.
Makikisumaro man siya sa nagkapirang mga abogadong kritiko kan “war on drugs” asin mga mamamahayag na nagbareta asin nag-imbestigar sa kampanya kan dating Presidente Duterte.
“This long overdue visit comes at a historic time, with Duterte finally set to go on trial in The Hague for the crime against humanity of murder. Without the determined efforts of the Filipino people, lawyers and civil society, this powerful exercise in international justice would not have been possible,” dagdag pa kaini.
Bilang bistong kritiko kan drug war ni Duterte, nagbisita ini kan taong 2017 para sa sarong academic conference mapadapit sa drug policy asin komemorasyon kan ika-30 anibersaryo kan Commission on Human Rights (CHR).
