LEGAZPI CITY-Nakagibo nin historya an Pinay singer na si Carmelle Collado.
Makalihis niyang masungkit an kakalansar pa sana na Eurovision Song Contest Asia.
Siya an enot na kampeon sa nasabing regional competiton.
Kinanta niya an “Sobra-Sobra” ni Nica del Rosario asin Mat Olavides kun saen nakaguno siya nin 211 points.
Nangenot man siya sa Jury Voting na igwang 93 points mantang nakakua man ini nin 118 points gikan sa boto kan audience.
Nagpanduwa man si Mang x Daou kan Thailand na igwang 170 points.
Mantang si Toc Tien kan Vietnam igwang kabilugang puntos na 164.
Sinabi ni Carmelle na pighihiling niyang dakul na oportunidad ini bako sana para sa saiyang sadiri asin maging sa OPM na makatabang pa sa mas kadakol na tawo na makadiskubre nin kantang Pinoy.
Siya an magiging pambato kan Asya sa Eurovision Song Contest 2027 na gaganapon sa Burgas, Bulgaria.
