LEGAZPI CITY-Anom katawo an binawian nin buhay kaiba an saring surgeon asin sarong 13-anyos na lalaking joven, makalihis na tamaan nin Israeli airstrike an Nasser Hospital sa Gaza.
Susog sa Gaza Health Ministry, labi 40 katawo an nairido, kaiba an duwang doktor na nasa kritikal na kondisyon.
Tinamaan kan pag-atake an surgical wing kan ospital na nagkawsa nin matinding danyos sa mga operating room asin iba pang pasilidad medikal.
Segun man sa Israeli military, target kan operasyon an sarong Hamas commander asin iba pang militanteng grupo.
Siring man, kaiba sa mga nagadan an nasabing commander.
Nagpadagos man an kahaditan sa kaligtasan kan mga pasyente asin medical workers, orog na saro an Nasser Hospital sa mga pangenot na ospital na nagtetenir na operational sa Gaza.
