Nag-perform si TJ Monterde sa ROUND Festival sa Incheon, South Korea ngonian na banggi, Nobyembre 8, makalihis makaresibe nin “ROUND Artist of the Year 2026”.
Nag-abot siya sa Incheon antes an show, siring sa ipinahiling niya sa saiyang Instagram post kan Sabado, Nobyembre 7, kun sain may meet and greet man siya makalihis an saiyang performance.
Antes an show, ipinahayag ni TJ an saiyang kaogmahan asin pig-imbitaran an mga Pilipino sa South Korea na mag-atendir tanganing suportaran siya.
Segun sa opisyal na website kaini, an ROUND iyo an opisyal na pangaran asin brand kan ASEAN-Korea Music Festival project na nagtutuyo na pakusugon an palitan kan ASEAN asin Korea sa paagi nin popular na musika.
Kasabay kaini, katatapos pa sana ni TJ sa saiyang concert tours makalihis magperform nin 69 shows sa 12 nacion sa laog nin duwang taon, kun sain nagpasalamat siya sa mga fans asin sa saiyang production team, kaiba an saiyang agom na si KZ Tandingan.
