Nagdagdag na naman nin bagong kredensyal an South Korean actor na si Park Bo-gum makalihis makapasar sa national technical qualification exam para sa general hairdressing sa ikaduwa niyang pagprobar.
Segun sa report, nakua niya an saiyang kwalipikasyon antes magbalik an saiyang reality show na The Village Barber 2 ngonian na Nobyembre.
Dakulang achievement suboot ini huli ta bistado an eksam sa pagigin mapagal na igwang average passing rate na 20 hasta 30 porsyento sana.
Nagpoon an saiyang journey pasiring sa pagiging lisensyadon hairdresser kan enot na season kan The Village Barber alagad dai siya nakapasar sa practical portion kan enot niyang pagprobar.
Padagos siyang nagpraktis mantang nagpreparar para sa ikaduwang season asin sa iba pa niyang trabaho hasta sa nakapasar na siya sa sunod na pagprobar.
Bako ini an enot niyang lisensya sa larangan huli ta nakakua na siya nin national barbering license kan siya nasa military service asin orog niyang maipapahiling an saiyang kakayahan bilang Director Park sa pag-premiere kan saiyang reality show ngonian na Nobyembre.
