LEGAZPI CITY-Nakapagrehistro an Philippine Institute of Volcanology and Seismology o Phivolcs nin 13 volcanic earthquakes asin sarong rockfall event sa Bulkang Mayon.
Basado sa magdamlag na pagbabantay kan ahensya, nagtetenir sa Alert Level 3 an Bulkan asin igwang halangkaw na aktibidad.
Nairehistro man an 836 tonelada nin Sulfur Dioxide Flux(SO2) kada aldaw poon kan Nobyembre 5, 2026.
Nakakapagluwas man ini nin Plume na igwang langkaw na nag-aabot sa 1,000 metro hale sa crater kaini na napapaduman sa kanluran asin kanluran-hilagang kanluran parte kan Bulkan.
Padagos man an paghuhubag kaini na igwang panandaliang pag-nipis sa parteng hilagang-silangan
Marurumdumang nagkaigwa nin short-lived moderately explosive eruption an Bulkang Mayon sa summit crater kaini k an Oktubre 30, 2026.
Kun kaya pinag-iingat man liwat an publiko asin pinagbabawal an paglaog sa 6km permanent danger zone kan Bulkang Mayon.
