LEGAZPI CITY—Maabot sa 88 pamilya o nasa 299 na mga indibidwal an inebakwar sa Barangay Buang Tabaco City kasunod kan liwat na pag-alburoto kan Bulkang Mayon.
Segun ki Kapitan Eusebio Lorico kan nasabing barangay, sa intrevista kan Bombo Radyo Legazpi, nasa maray man na kamugtakan an mga ini asin presenteng nagtitinir sa mga evacuation center.
Nakaresibe na man nin tabang gikan sa lokal na gobierno kan Tabaco asin iba pang ahensya kan gobierno an mga apektadong residentes.
Dugang kan opisyal na saro sa mga pigkakahampang nindang problema an tubig-inumon huli sa harayo an ighaharokan alagad may pigsasagibo man sinda nin ibang alternatibo nganing maresolbaran ini.
Mientrastanto, abiso ni Lorico sa mga residente na mag-ingat urog na dae aram kun nuarin liwat na mag-alburoto an naunambitang bulkan.
