Kumpirmadong gadan an gabos na siyam na lunad kan sarong private jet na buminagsak sa poco mas o menos siyam na milya an rayo hali sa Mar-a-Lago estate ni US President Donald Trump sa Palm Beach County, Florida.
Segun sa Federal Aviation Administration (FAA), an nasabing behikulong panghimpapawid na sarong Learjet 60 an buminagsak sa sarong residential area har ani sa Cresthaven ganap na alas 12:50 nin hapon kan Domingo, Nobyembre 1.
Hali sa Austin-Bergstrom International Airport sa Texas an nasabing eroplano asin pasiring kuta sa North Eleuthera Airport sa Bahamas kan mangyari an matinding aksidente.
Nakuwa sa sarong dashcam video an marikas na pagbulusok kan eroplano antes ini dagos na suminalpok sa daga asin tulos na suminabog na garing sarong dakulang fireball.
