Namaaram na kasuodma si Gil Aducal Morales na mas bisto kan kadaklan bilang “Ate Gay” sa edad na 55.
An anunsyo ginibo kan saiyang pamilya makalihis an pirang aldaw na pakikipaglaban sa saiyang kamatean na Stage 4 Mucoepidermoid Carcinoma, sarong rare type nin cancer na nakakaapektar sa salivary glands.
Nagpasalamat an pamilya Morales sa gabos na nagpaabot nin pamibi, pagkamoot, asin tabang pinansyal durante kan laban ni Ate Gay.
Naghagad man sinda nin padagos na pamibi para sa katoninongan kan saiyang kalag asin kusog para sa pamilyang naglalamay.
Ia-anunsyo suboot kan pamilya sa masunod na mga aldaw an detalye kan burol asin paglubong ki Ate Gay.
