Naglobo sa panibagong record high na P19.66 trillion an utang kan gobyerno kan Setyembre 2026.
Segun sa pinakabagong data kan Bureau of the Treasury, naglangkaw ini nin 0.27% kumpara kan Agosto asin 12.63% kumpara kan nakaaging taon, huli sa dagdag na pag-utang asin pagluya kan peso kontra dolyar.
Haraning marhay na ini sa projection kan administrasyong Marcos na P19.77 trillion na utang sa katapusan kan 2026.
An domestic debt na iyo an 67.39% kan kabuuan, naglangkaw sa P13.25 trillion mantang an foreign debt naglangkaw man sa P6.41 trillion.
Rason kaini an mas dakulang pag-utang kaysa bayad, asin an paghina kan peso na nagbaba sa P62.601 kontra US dollar.
Sa ngonian, nasa 66% naan debt-to-GDP ratio, na mas halangkaw sa target kan gobyerno na 64.9% ngonian na taon.
