LEGAZPI CITY- Bukas an Albay Schools Division Office na sumunod sa polisiya dapit sa pagkakaigwa nin pagbabago sa oras kan klase kan mga estudyante, bilang pag-andam sa posibleng epekto kan El Niño.
Basado sa DepEd Order No. 014, s. 2026, igwang 4H Framework sa pag-adjust kan klase asin kaibanan digdi an Modified o Shortened Hours.
Sa irarom kan polisiya an klase an gigibuhon na alas-6 nin aga hasta alas-10 nin udto para sa morning shift asin alas-2 nin hapon hasta alas-6 nin banggi sa afternoon shift.
Segun ki Albay Schools Division Office Spokesperson Froilan Tena sa intrevista kan Bombo Radyo Legazpi na makalihis an Undas, mapuon nang magpaotob nin bagong schedule an nagkapirang eskwelahan sa provincia.
Alagad nilinaw na nakadepende man liwat ini sa sitwasyon kan mga eskwelahan huli ta kun mapresko man an palibot an dae man kaipuhan magkaigwa nin adjustment.
Kinakaipuhan sana suboot na siertuhon na dae malalaag sa alanganin an mga personnel asin mga estudyante.
Mientras tanto, sinabi ni Tena na gigibuhon man an gabos ngani na ma-cover an gabos na leksyon para sa term 3 kan mga estudyante. [VC_Albay Schools Division Office Spokesperson Froilan Tena]
