LEGAZPI CITY- Naglalaom an gobioerno provincial kan Albay na magpapadagos na an pagbaba kan dengue cases sa provincia kan Albay.
Segun ki Albay Incident management team for dengue alert spokesperson Engr. Al Barizo sa intrevista kan Bombo Radyo Legazpi na basado sa datos kan Oktubre 26, nasa 46 na sana an daily case na nairehistro sa provincia.
Pighihiling kan opisyal na nagin susi sa padagos na pagbaba kan daily cases an mga lakdang na pigigibo kan mga ahensya de gobierno, siring mana n esfuersos kan mga barangay asin kan mga namamanwaan.
Kaibanan digdi an pagpuksa sa breeding ground kan mga lamok sa komunidad.
Binisto man ni Barizo an mga lakdang na pigsasagibo kan mga lokal na gobierno ngani na malabanan an paglakop kan nasabing helang na dara kan mga lamok.
Mientras tanto, sinabi kan opisyal na kun magpapadagos sa masunod na mga aldaw an pagbaba kan mga kaso kan dengue, posible irekomenda na kan Incident management team an pag-lift kan state of calamity na presenteng ipinaotob sa provincia.
Sa presente kaya taas-baba pa suboot an datos kaya padagos ining pinagbabantayan sa ngunyan.
