Pinauli kan De La Salle University Manila an mga estudyante, mga paratukdo, asin mga tawohan kaini kasuodma makalihis na makaresibe nin banta sa seguridad.
Segun sa report kan Oktubre 26, an mga nasa laog kan unibersidad nag-ebakwar sa campus sa marahay asin kalmadong paagi makalihis na abisohan sinda kan administrasyon na maghale para sa saindang kaligtasan.
Pormal na pigsara an campus bandang mga ala-una nin hapon tanganing matawan dalan an safety assessment.
Sa ngonian, nagpapadagos pa an imbestigasyon kan Manila Police District para maaraman kun saen an pinaghalian asin kun totoo an huma.
Sa panahon kan pag-file kan report na ini, wara pang ibang detalye na ipinaluwas na makakapaliwanag kan ginikanan kaini.
Pighahalat pa kan komunidad kan DLSU an opisyal na impormasyon hale sa mga nanunungdan.
Inaabisuhan an mga estudyante asin mga tawohan na magsunod sa mga opisyal na instruksyon asin maglikay sa pagpalakop nin dai beripikadong impormasyon manungod sa insidente.
