Preparado an National Bureau of Investigation (NBI) anuman na oras enkaso maglansar nin all-out operation sa paghanap ki Senator Ronald “Bato” Dela Rosa.
Sinabi ni NBI Director Melvin Matibag na dae malilikayan an madugong engkwentro kun isasagibo an operasyon, urog na ta si Dela Rosa dating hepe kan Philippine National Police (PNP).
Segun ki Matibag, siertong igwa pa nin mga amigo sa serbisyo an senador na nagpoprotehir saiya.
Dugang pa kaini na saro sa posibleng rason kan engkwentro iyo an dae pa pagsuko kan senador kan gabos niyang armas.
Sa ibong kaini, pigsierto kan NBI na gigibuhon ninda an gabos para maibitaran an madugong engkwentro.
Magigirumduman na ngonian na maabot na Nobyembre, sarong taon na poon kan iluwas kan International Criminal Court (ICC) an mandamiento de aresto laban ki Dela Rosa huli sa saiyang papel sa giyera kontra droga ni dating Presidente Rodrigo Duterte.
