LEGAZPI CITY—Inanunsyar kan Legazpi Public Safety Office na paramientras na isasarado an nagkapirang tinampo sa Legazpi City sa Miyerkules, Oktubre 28, para sa ikukundusir na Solemn Mass na pangangenotan ni Cardinal Luis Antonio Tagle sa Saint Gregory the Great Parish Church.
Ini an kasunod kan selebrasyon kan Diocesan Diamond Jubilee.
Segun ki Legazpi Public Safety Office Head Octavio Rivero, sa intrevista kan Bombo Radyo Legazpi, kabale sa mga isasarado an Rizal Street corner Mons. F. Reyes Street; Mons. F. Reyes Street corner Sikatuna Street; Sikatuna Street corner Rosario Street; Sikatuna Street corner L. Rivera Street; Rizal Street corner Ma. Clara Street; Gov. Locsin Street corner L. Rivera Street; F. Aquende Drive corner Vinzons Street; Vinzons Street corner Rosario Street; Vinzons Street corner Serrano Street; asin Tandang Sora Street corner Rizal Street.
Mapuon na isasarado an mga nasabing tinampo puon alas-4 nin pagkaaga hasta alas-onse nin aga kan nasabing petsa, mantang mapuon man an misa nin alas-8 nin pagkaagi kan kaparahong aldaw.
Igwa man nin designated parking areas para sa naunambitang misa kabale an minasunod: Serrano Street: Rizal Street to Vinzons Street; Rosario Street: Vinzons Street to Gov. Locsin Street; Gov. Locsin Street: L. Rivera Street to Serrano Street; L. Rivera Street: Gov. Locsin Street to Serrano Street; L. Rivera Street: Rizal Street to Sikatuna Street; Rosario Street: Sikatuna Street to Rizal Street; Rosario Street: Gov. Locsin Street to Rizal Street; asin Rizal Street: Mons. F. Reyes Street to Ma. Clara Street.
Mantang pag-abot sa alternatibong traffic routes partikurmente an gikan sa 1st District asin Legazpi downtown pasiring sa Daraga, an pwedesir na mag-agi sa Rizal Street, pasiring sa toong direksyon sa Ma. Clara Street, asin magliko sa wala sa Gov. Locsin Street; pasiring sa too sa Balintawak Street asin magliko sa wala sa F. Aquende Drive; o pasiring sa too sa Vinzons Street sagkod maipadagos an saindang destinasyon.
Para man sa mga gikan sa 3rd district asin Daraga na pasiring sa Legazpi City Proper an pwedesir na mag-agi sa Rizal Street, pasiring sa toong direksyon sa Tandang Sora Street, asin magliko sa wala sa Calderon Street; magdiretso sa Marquez Street, magliko sa wala sa Ma. Clara Street, asin magpasiring sa too sa Rizal Street sagkod maipadagos an saindang destinasyon.
Pig-asigurar kan opisyal na tutukan ninda an mga nasabing parking area kaibahan an kapulisan urog na piglalaomang kadakol an maatendir sa selebrasyon nganing masierto na salbado asin dae magin biktima kan mga mararaot na elemento na naglalaog sa ciudad kan Legazpi.
