Binatikos kan Bantay Bigas an pahayag kan Department of Agriculture na pabor sa pagdeklara nin State of Calamity bilang agresibong responde sa epekto kan Super El Niño.
Segun ki Spokesperson Cathy Estavillo sa intrevista kan Bombo Radyo Legazpi, bakong direktang solusyon an deklarasyon para sa haloy nang problema kan mga paraoma.
Sabi ni Estavillo, nag-aabot na sa P9 bilyon an danyos sa agrikultura asin nagugutom na an mga paraoma huli ta wara na sindang makukuaan nin pagkakan.
Segun pa saiya, dapat apat suboot na imbes na maghalat na magdeklara an mga LGU, tulos na ipaluwas an pondo asin ayuda sa mga apektado.
Pig-aapelar kaini an P15,000 production subsidy asin price support para sa mga paraoma na apektado man kan bagyo.
Binatikos man kaini an importasyon nin bagas asin an diit na ayuda na P4,600 sana para sa 9.7 milyon na paraoma asin parasira.
Nangapodan man an grupo sa gobyerno na iprioritizar an budget sa agrikultura asin kontrolon an presyo kan mga produktong pang-agrikultura
