LEGAZPI CITY-Daog si Alex Eala sa score na 7-5, 6-4 laban ki Diana Shnaider sa round of 16 kan saiyang kampanya sa 2026 Ningbo Open sa China
Si Eala nireserba an match points sa 10th game kan ikasuwang set makalihis na mabayaan ni Shnaider nin 40-15.
Alagad dai ini nagin matrayumpo asin nagsarado an kawat para sa sixth-seeded Russian sa laog sana nin sarong oras asin 55 minutos.
Makalihis an trading breaks sa anom na kawat sa second set, naporbaran pa ni Eala na magserve nin 4-3 lead alagad dai na nasustenir an momentum kan magkaigwa nin three straight games na nagdara sa pagkagana ni Shnaider.
Si Shnaider, presenteng nasa ranked world No. 13, asin sinabing pinaghandaan niya an laban sa WTA No. 20 Filipino star na si Eala.
Mientras tanto, makakalaban naman ni Shnaider an American na si Iva Jovic sa quarterfinals kan WTA 500 tournament.
Sunod naman na kampanya ni Eala an Toray Pan Pacific Open sa Japan, na saro pang WTA 500 event na mapoon sa masunod na semana.
