LEGAZPI CITY- Padagos an pangapudan kan grupo nin mga paraoma ngani na ipapundo an kontrobersyal na DOJ Opinion No. 16.
Katakod kaini, nagsumiter nin petisyon sa Korte Suprema ang MAGSASAKA Party-list asin Federation of Free Farmers (FFF) ngani na hagadon an temporary restraining order (TRO) sa nasabing desisyon.
Sai irarom kaya kan DOJ Opinion No. 16, hinali na an DAR clearance sa requirements para sa agricultural land transfers sa irarom kan Comprehensive Agrarian Reform Program.
Segun ki Federation of Free Farmers Chairman Leonardo Montemayor sa intrevista kan Bombo Radyo Legazpi na importante an DAR clearance ngani na magtaong proteksyon sa mga paraoma.
Kung hahalion ini, sinabi kan opisyal na posibleng maabuso an proseso asin kung maisipan kan mga land owners na ipabakal an saindang daga, posiboleng an mga may kakayanang pinansyal sana an makinabang sa mga darakulang daga.
“Pagka nagkaroon na ng bentahan ng lupa at nauwi yan sa iilang malalaking tao o korporasyon, di naman tayo nakakasiguro na ang mga taong ito ay palay pa din ang itatanim nila” dagdag na pahayag ni Montemayor.
Paliwanag kan grupo na hinali na man kaya an polisiya na hasta sa limang hektarya nin daga sana an pwedesir na maging pagsadiri kan sarong indibidwal o asosasyon.
“Sa ating mga magsasaka, mga samahan po nila at sa lahat nga ting kababayan, ito pong ruling na DOJ no. 16 ni Acting Sec. Frederick Vida ng DOJ, apektado po dito hindi lamang ang mga magsasaka kundi tayong lahat. Hindi lang po malaking posibilidad na pag pinabayaan po ito ay hahantong sa pagmamay-ari ng iilang may kaya. At na-reporma na at baka kukulangin tayo lalo na sa pangunahing mga pagkain.” segun ki Montemayor.
Dagdag pa ni Montemayor na an nasabing kasuguan an magtataong dalan ngani na mawaran nin kontrol kun mawot na i-convert an mga omahan.
Huli digdi, pigkakahaditan kan grupo na posibleng magdara nin huma sa food security urog na sa bagas, kun an mga tanuman nin paroy an dagos na mawawara.
