Kinumpirma kan Philippine National Police – Criminal Investigation and Detection Group o PNP-CIDG na abot sa 40 subpoenas an saindang naisyu na may koneksyon sa 521 kilos na methamphetamine o shabu shipment na nasabat sa Laos.
Segun kay CIDG Director PMGen. Robert Alexander Morico II, 11 sa mga natawan nin subpoena an maituturing na persons of interest sa nasabing kaso.
Nangangalap na sinda nin iba pang dokumento asin isusumite ini sa opisina ni PNP Chief Gen. Jose Melencio Nartatez Jr. sa Biyernes, asin sa Philippine Drug Enforcement Agency o PDEA.
Enot nang kinumpirmar kan CIDG na 21 katao an saindang natawan nin subpoena ngani matawan linaw an drogang nakumpiskar sa Laos.
